Maysa manen a nainget a serbisyo ti maiyeg iti publiko babaen ti DENR Express: Permitting on Wheels, a mangidanon kadagiti serbisyo iti panagproseso kadagiti environmental permits iti idiay Tubao, La Union.
nIton bigat Hunio 17, 2026, mangisayangkat ti nasao nga aktibidad idiay Tubao Civic Center, Poblacion, Tubao, La Union, a mangted kadagiti residente, negosyante, ken interesado a sektor iti nalaka ken napardas a panakaala ti impormasyon ken tulong maipanggep kadagiti permit a sakup ti Department of Environment and Natural Resources (DENR).
Babaen iti daytoy nga inisyatiba, mabalin a makaawat dagiti umili iti konsultasyon, teknikal a pannakibagi, ken panangisuro kadagiti proseso a kasapulan iti panagaplikar wenno panang-renew kadagiti environmental permits.
Ti DENR Express: Permitting on Wheels ket panggep a maidanon ti serbisyo iti komunidad tapno saan a masapul a bumyahe pay dagiti aplikante iti adayo.
Mangipakita daytoy iti panagtalek ti DENR iti panangipaasideg ti serbisyo iti publiko ken panangpasayaat ti panagserbi iti tunggal umili. (Bombo Lorie Llavore)
