Agtalek ti Philippine National Police (PNP) iti iggem da a “significant update” iti kaso ti policewoman ken ti walo-anyos nga anakna nga agpada a napapatay.
Segun kenni PNP chief General Jose Melencio Nartatez Jr., manamnama nga ita nga adlaw ket makasuanen dagiti iggem a a nagan a karaman iti nadakamat a krimen.
Nupay kasta, nagkedked ni Nartatez nga ibaga dagiti sumaruno nga addangda ken impasigurado nga agtultuloy iti panagtrabaho ti kapulisan.
Naammuan nga uppat dagiti nagbalin a suspek a pakairamanan ti maysa nga ahente ti kotse, ti asawa daytoy a dismissed police officer, ti katulongda, ken ti sigud nga asawa ti pimmusay a policewoman a maysa met nga opisial ti polisia.
Naipadamag a naudi a nakita dagiti agina idi Enero 16.
Nasarakan ti bangkay ti policewoman iti maysa a creek idiay Bulacan bayat nga iti walo-anyos nga anakna ket nasarakan met iti maysa a calamansi farm idiay Tarlac.###
