Mamati ni Manila 6th District Rep. Benny Abante a posible nga agbalin a “blessing in disguise” para kadagiti makalaban ni Bise Presidente Sara Duterte iti nasapa a panagposisionna para iti 2028 election.
Segun kenni Abante, ti nasapa nga anunsio ti Bise Presidente ket mangiturong kenkuana ti nainget a panagammiris ti publiko, kangrunaan iti maikapat nga impeachment complaint kontra kenkuana nga adda pakainaiganna iti maipagarup nga “unexplained wealth.”
Innayon na pay a no awan ti ilemlemmeng ti Bise Presidente, rumbeng nga agbalin daytoy a transparent ken agsungbat tapno mapagtalinaed iti panagtalek ti umili.
Saan met a kaipapanan a saan isuna a maabak uray mamati isuna a “winnable” daytoy no ita a gundaway a maangay ti eleksion.
Ado pay ti mabalin nga agbaliw iti pulitika ti nasurok dua a tawen.
Dinakamat na met a dagiti isyu ti pagilian, karaman dagiti reporma iti gobierno ken saritaan ti korapsion ket mabalin a makaapektar iti agbalin a desisyon dagiti botante.###
