LA UNION – Impaganetget ni Department of Interior and Local Government (DILG) La Union Provinicial Director Virgilio Sison a nasken nga agtungpal iti naipaulog a direktiba dagiti punong barangay nga iparang iti publiko ti masterlist dagiti benepisyaryo iti social amelioration program (SAP) ti Department of Social Welfare and Development (DSWD).
Ti nasao a direktiba ket inyatnag ni DILG Secretary Eduardo Ano para kadagiti amin a kapitan ti barangay.
Sigun kenni Sison, panggep iti pammilin ti sekretaryo iti ahensya a maaddaan ti transparency ken tapno maammuan dagiti nagnumar ti nasao a programa.
Kabayatanna, siputan met iti DILG dagiti amin a punong barangay no nagtungpal dagitoy iti pammilin a maipaskil iti masterlist ti masakupanda a lugar kalpasan a maiyawat ti tulong kadagiti benepisyaryo.
