LA UNION – Maragsakan ni Major Amado C. Gutierrez, Officer-in-Charge iti Division Public Affairs Office (DPAO) ti 7ID, Phil. Army a nangipadamag nga adu metten dagiti simmuko a rebelde iti masakopan da, iti intero a Central Luzon Region.
Iti eksklusibo a pannakiuman ti Bombo Radyo kenni Major Gutierrez, kinuna nga ita laeng a bulan, as of January 15, ket addan ti 30 a rebelde a nag-surrender.
Malaksid dayta, idi napalabas a tawen 2019, ket pakabuklan a 1,003 dagiti NPA members iti simmuko iti 7ID PA ket kaipapanan daytoy kunana a nakissayan ti problema ti gobyerno.
Kagiddan daytoy ket inallokoy ni Major. Gutierrez dagiti umili nga adda cabagyan na nga NPA wenno miyembro ti New People’s nga agsubli dan iti sidong ti gobyerno tapno ma-avail dagiti insentibo nga idiay-diaya ti gobyerno.
Babaen iti Enhanced Comprehensive Local Integration Program ti gobyerno ket maipaayan iti legal and financial assistance dagiti sumuko a rebelde, kas pang-rugyan ti baro a biag dagitoy.
