BR LA UNION – Umabot iti nasurok 1,000 nga ubbing ti natay gaputi sakit a kamuras idiay Bangladesh.
Agtultuloy ti panagngato ti kaso ti kamuras iti nasao a pagilian iti laksid nga adda maisay-sayangkat nga emergency vaccination campaign.
Dandani umaboten ti 20 milyon nga ubbing iti nabakunaan ngem mairek-rekord iti nasurok maysa ribu a baro a suspected cases iti inaldaw.
Segun iti United Nations Children’s Fund wenno UNICEF, iti sumaruno a lawas ket papigsaen ti gobyerno ti Bangladesh iti kampanya a panagbakuna tapno nabiit a madanon dagiti ubbing a saan pay a nabakunaan.
Target ti World Health Organization (WHO) a naan-anayen a maparmek iti sakit a kamuras idiay Bangladesh.
Sipud pay idi bulan ti Marso ket addan iti 194,000 nga ubbing ti nakaptan ti sakit a kamuras.
