Nasurok 10K a residente ti nabakwit gapo kadagiti nalalawa a wildfires iti abagatan ti France, asideg ti beddeng na ti Spain.
Saan latta a makontrol iti apoy a nanguramen iti aganay 4,600 nga ektarya ti kabakiran iti sakaanan ti French Pyrenees.
16 a tattaon dagiti nadundunor pakairamanan dagiti uppat a bumbero bayat a manmanma pay iti panagwaras ti apoy gapo iti napigsa nga angin.
Nangipatuloden iti European Union kadagiti uppat a water-bombing aircraft ken nasurok 100 a bumbero tapno tumulong iti panagsebseb.
Naapektaran metten iti uram iti Tour de France agsipud ta naipaserran dagiti dadduma a ruta para ti operasyon dagiti bumbero.
Segun kadagiti eksperto, pinakaro iti nadagaang a paniempo idiay Europa ti peggad dagiti wildfires.
Manamnama met a dumanon manen iti 40 degrees Celsius iti temperatura iti Abagatan-a-laud ti France ita a lawas ken agtultuloy met dagiti heatwaves idiay Spain ken Portugal.
