LA UNION – Nasurok 100 a mannalon idiay Guimba, Nueva Ecija iti naan-anayen a nangibabawi ti suporta da iti rebelde a New People’s Army (NPA) idi bulan ti Mayo bayat nga adda iti panawen ti community quarantine ti pagilian gaputi COVID 19 pandemic.
Kinumpirma iti Bombo Radyo La Union ni Major Amado C. Gutierrez, Chief iti Division Public Affairs Office, 7th Infantry (Kaugnay) Division, Philippine Army a pakabuklan a 105 a mannalon manipud iti tallo a barangay idiay Nueva Ecija iti naallokoy iti dua a unit ti militar ( 84th IB , 70th IB ) a nakabase met laeng iti nasao a probinsiya, nga i-withdraw ti suporta da iti kattigid a grupo.
Segun kenni Maj. Gutierrez, nalawlawagan dagiti mannalon nga iti nakaikapponan da a grupo a Pambansang Katipunan ng Magsasaka (PKM) ket binukel ti NPA tapno makontrol da dagiti mannalon.
Malaksid iti PKM, miyembro pay dagiti nasao a mannalon iti Liga ng Manggagawang Bukid (LMB) a nakabase iti tallo a barangay idiay Guimba, N.E. partikular idiay Barangay Pacac, Bagong Barrio, ken Barangay San Agustin.
