LA UNION – Addan ti nasurok 100-k nga estudyante iti intero a Region 1 iti nagpailista iti early registration para iti sumaruno nga school year.
Segun kenni DepEd Region One Information Officer Cesar Bucsit, umaboten iti 124, 110 nga estudyante iti nagparehistro manipud iti 14 a division offices iti Ilocos Region.
Karaman iti early registration ket dagiti Kindergarten, Grade 1 ken Grade 7 para iti sekondarya ken Grade 11 para iti senior high school.
Nairanta daytoy tapno masaganaan iti panaglukat ti klase dagiti ubbing iti sumaruno nga school year ken masungbatan iti anyaman nga isyu ken concern dagiti nagannak ken estudyante, iti tengnga ti agtultuloy a COVID 19 pandemic.
Gaputi dayta, agtultuloy iti panangallokoy ti DEPED kadagiti nagannak nga iparehistro dagiti ubbing, partikular dagiti sumrek iti kindergarten, grade 1, grade 7, ken grade 11, iti pampubliko a pagadalan agsipudta agpatingga ti rehistrasyon inton Aprtil 30.
