LA UNION – Naidiskargan dagiti nasurok 100 a tonelada a relief goods idiay Sta.Ana, Cagayan manipud iti Phil. Navy vessel a BRP Davao del Sur.
Dagiti nasao a relief goods a buklen iti food packs, hygiene kits, home goods ken household kits ket naggapo kadagiti private donors/individuals, LGUs, non-government organizations, ken dadduma pay a sektor iti kagimongan idiay Manila ken La Union.
Simmangpet ti nasao a barko idiay Port of Irene idiay Cagayan idi kalman kalpasan ti maysa aldaw a panaglayag daytoy.
Dagiti nasao a relief goods ket maibunong kadagiti biktima ti layos iti napalabas a bagyo Ulysses idiay Cagayan ken Isabela.
Daytoy ket babaen iti panagtitinnulong ti Phil. Navy, PNP, ken dadduma a law enforcement unit, LGUs, OCD, RDRRMC, ken dadduma pay a maseknan nga ahensiya agraman dagiti volunteers.
Paset pay laeng daytoy iti panangsuporta iti relief and rehabilitation efforts kadagiti biktima ti kalamidad idiay Region 2.
