LA UNION – Aganay 108 nga indibiduwal iti natiliw dagiti otoridad iti uneg laeng ti dua nga aldaw a pannakaipatungpal ti Simultaneous Anti-Criminality Law Enforcement Operation (SACLEO), iti intero a rehiyon uno.
Babaen iti napabileg a SACLEO iti Police Regional Office-1 (PRO-1) iti sidong ti panangimaton ni Police Brigadier General Rodolfo Azurin Jr. nakaisayangkat dagiti otoridad iti serye ti Police Operations, idi January 27-28, 2021 iti panangidaulo ni
PCol Cesar Pasiwen, Deputy Regional Dir. for Operation.
Nagresulta daytoy iti pannaka-kemmeg iti 13 a drug personalities manipud iti 15 nga anti illegal drugs operation, ken pannaka-kumpiskar dagiti shabu nga agdagup ti P55,632.
Dua a Top Most Wanted Persons iti municipal level ken 22 a dadduma pay a violators iti naarestar.
Nakarekober dagiti otoridad iti 106 a nagduduma nga igam, 34 ditoy ket babaen iti police operations, 41 a paltog iti naisuko, ken 30 ti naideposito for safekeeping babaen ti Oplan Katok program ti PNP.
Malaksid dayta, 22 nga indibiduwal iti natiliw gaputi panaglabsing iti anti illegal gambling operations ditoy rehiyon.
