Apektado ti aganay 102,406 nga indibidwal wenno pakaibatugan ti 30,522 a pamilya iti panag-alburoto ti Bulkan Mayon, segun iti maudi a record ti Office of Civil Defense (OCD) Region 5.
Ti bilang ket manipud kadagiti 87 a barangay idiay Region 5, parikular iti probinsya ti Albay.
Nasurok 1K a pamilya wenno nasurok 5K nga indibidwal ti agdama nga adda kadagiti evacuation centers bayat a 26 a pamilya wenno 85 nga indibidwal met dagiti matartaripato iti ruar dagitoy.
Impasiguro ti OCD Region 5 nga agtultuloy ti koordinasyon, monitoring, ken panagresponde kadagiti apektado a lugar.
Nangi-deploy da payen kadagiti water trucks ken filtration systems kasta met ti panangibunong kadagiti N95 masks.
