LA UNION – Dumanon itan ti nasurok 12,000 nga Overseas Filipino Workers (OFW) iti intero a Region 1 ti napaawid ken natulonganen ti Overseas Workers Welfare Administration Region 1 (OWWA Region 1) gapu iti agtultuloy a pandemya iti Covid-19.
Maibasar daytoy iti nakalap a datos ti Bombo Radyo La Union manipud iti nasao nga opisin a.
Sipud idi March 18,2020 agingga iti agdama, addan iti 12, 744 dagiti inasistaran ti OWWA nga ROF’s ditoy rehiyon.
Manipud iti nasao a bilang, 7,092 OFWs iti nakaawiden idiay Pangasinan; La Union – 2,393; Ilocos Sur – 1,882 bayat a 1,377 idiay ilocos norte.
Karaman kadagiti maipapaay a tulong kadagiti pinoy workers abroad ket ti libre a transportasyon, accomodation, taraon ken koordinasyon kadagiti local government units (LGUs).
Dagiti mapapaawid nga ROF’s ket kumpleto da iti dokumento a pakairamanan iti negative result ti RT-PCR swab test manipud iti DOH ken iti Bureau of Quarantine.
