Dumanonen iti nasurok 1,300 a miembro ti Philippine National Police (PNP) iti naikkat iti serbisio gapu iti nadumaduma a panaglabsing ken administrative charges, kas paset iti nainget a kampania ti organisasion kontra kadagiti rinuker a pulis.
Segun ti PNP, manipud Agosto 26, 2025 agingga iti Hulio 15, 2026, nakaresolbar da ti 3,903 nga administrative cases a nagresulta iti pannakaipakat ti dusa kadagiti 4,534 a personnel.
Maibasar iti rekord ti PNP, malaksid iti nasurok 1,300 a naikkat iti serbisio, nasurok 2,000 a polis iti nasuspende, 237 iti na-demoted, idinto a dagiti dadduma ket naikkan ti forfeiture of salary ken reprimand, depende iti kinakaro ti panaglabsing.
Panggep ti kampania a mataginayon iti integridad ken propesionalismo iti puersa ti pulisya babaen iti alisto a panangrisut kadagiti reklamo nga administratibo ken panangipakat iti maitutop a dusa kadagiti mapaneknekan a naglabsing kadagiti agdama a pagannurotan.
Impasigurado ti liderato ti PNP nga agtultuloy iti nainget a panagbantay iti bukodda a ranggo tapno masungbatan dagiti rinuker a kameng ken mataginayon ti panagtalek ti publiko iti organisasion.###
