BR LA UNION – Inpadamag ti embahador ti Iran idiay United Nations (UN) nga umaboten iti 1,332 a sibilyan ti natay iti agtultuloy a panagraut idiay Iran, bayat a rinibo dagiti nasugatan.
Kinuna ni Iranian UN Ambassador Amir Saeid Iravani a kaadwan a natay ket sibilyan ken impaganetget na a maipagarop nga inggagara ti Israel ken US a puntirya-en dagiti imprastraktura ken sibilyan.
Kinuna na pay a dagiti laeng military site iti punpuntiryaen ti Iran iti panagraut na.
Nupay kasta, pinaglibakan daytoy ti Amerika ken Israel ket imbaga da nga Iran ti mangat-atakar kadagiti sibilyan.
Inlawlawag met ni Iravani a saan a target ti Iran dagiti interes ti kaarruba da a pagilian.
Kinuna na nga im-imbestigaran ti gobiyerno da dagiti report nga adda ti sumagmamano a panagraut a timmama iti military site ti US idiay Gulf region.
Posible a ti sumagmamano nga insidente ket gapwanan ti interception ti US defense system a mabalin a nangilisi iti orihinal a target dagiti missile.
