LA UNION – Naiturongen iti nadumaduma a Rural Health Units (RHU) iti segundo distrito ti La Union iti 2,100 COVID-19 vaccines wenno vials a naggapo iti Cold Storage facility ti DOH Region 1.
Amin dagitoy a bakuna ket sinovac vaccines a naiyalokar para iti segundo distrito, base met laengen ti datos.
Base iti datus ti DOH Region 1, idiay Agoo Municipal Health Office ket naiyalokaran ti 400 doses ti Sinovac Vaccine; 300 vials iti Aringay RHU; Naguilian RHU-350; Caba RHU-200 vials; Pugo RHU-100; Rosario RHU-300 ; Sto Tomas RHU-100 vials;
Tubao-200 vials; ken sag-50 vials iti Bagulin RHU, Bauang RHU ken Burgos RHU.
Iti pakaitudokan dagiti nasao a bakuna ket kadagiti healthcare workers, senior citizens, addaan ti comorbidity a karaman iti A1, A2, ken A3 priority group.
Kabayatanna, saan pay a nangrugi iti panagbakuna kadagiti adda iti A4 priority group a pakairaman dagiti kameng ti media.
