LA UNION – Dumanon iti 226 manipud iti 233 a naidatag a kaso dagiti OFWs iti naresolba ti Overseas Workers Welfare Administration (OWWA)- Region 1.
Daytoy ket iti sidong ti single entry approach wenno SENA ti nasao nga ahensiya.
Iti nasao a programa ti OWWA ket mangipapaay ti settlement assistance kadagiti pinoy workers nga addaan ti problema maipapan iti labor disputes kadagiti employers wenno iti baetan dagiti local recruitment agencies.
Mangisayangkat ti OWWA iti patas a panangdengngeg iti agsumbangir a partido agingga a madanon ti maiparbeng a settlement fee dagitoy.
Kabilang dagiti kaso a sakop ti SENA ket ti maipapan iti saan a patas a labor practices, isyu iti termination wenno suspensiyon iti maysa nga empleyado, closures, ken retrenchments, pannaka-ikompromiso iti kinatalged ken salun-at dagiti OFWs.
