LA UNION – Pakabuklan a 210 a mannalon ken mangngalap ditoy siyudad ti San Fernando, La Union iti naipaayan ti P20,000 a loan assistance, nga awan ti interest na ken mabalin da a bayadan iti uneg ti 10 a tawen.
Iti nasao a loan assistance program ket adda iti sidong ti Agricultural Credit Policy Council ti Department of the Agriculture, nga addaan ti tarigagay a tulongan iti panangpadur-as iti nasao a sektor tapno mapasayaat ti panagbiag dagiti mannalon ken mangngalap.
Dagiti recipients ket dagiti kangrunaan a naapektaran iti naglabas a bagyo.
Agdagup ti P4.2 milyon pesos iti naipalospos a pondo para iti nasao a loan assistance babaen iti Cooperative Bank of La Union idiay Agoo idi June 30, 2022.
