LA UNION – Simmangpet idi kalman, July 20, 2021 iti Department of Health (DOH) Regional Office-1 iti maika-16 a vaccine delivery ken umuna a batch iti Janssen vaccines a partuat ti Johnson&Johnson, a maibunong iti Rehiyon Uno.
Base iti impormasyon, pakabuklan a 213,820 a Janssen, Sinovac ken Astrazena vaccines iti simmangpet idi kalman ken dagus a naiturong iti regional vaccine storage facility.
Manipud iti nasao a bilang 206,600 doses ket janssen vaccines, 5,100 iti astrazeneca vaccines, ken 2,120 iti sinovac vaccines.
Dagitoy ket manamnama a mai-distribute a dagus ita nga aldaw iti naduma-duma a lokal a gobyerno ken health facilities idiay probinsiya ti Pangasinan, La Union, Ilocos Sur, ken Ilocos Norte.
Iti J&J wenno Janssen COVID-19 Vaccine ket addaan ti 66.3% nga efficacy a mang-prebentar iti laboratory-confirmed COVID-19 infection, segun iti World Health Organization (WHO).
Maipalagip nga iti Ilocos Region, nangrugin nga agbakuna kadagiti karaman iti A4 priority group wenno essential workers.
Kinumpirma pay ti DOH nga adda ti nasurok 50 nga ili iti intero a rehiyon uno iti impasidong da kas high risk area gapwanan ti COVID 19.
Ditoy probinsiya ti La Union, dagiti ili a kaeaman iti kategorya a high risk iti COVID 19 ket ditoy San Fernando City, Agoo, Aringay, Bacnotan, Bagulin, Balaoan, Bangar, Bauang, Burgos, Caba Luna, San Juan, Sto Tomas, Santol, ken Tubao, La Union.
