Agtalek ti Department of Education (DepEd) a dumanon ti manipud 26 aginggana 28 million iti bilang dagiti agad-adal a sumrek ita nga school year 2026-2027.
Segun kenni Assistant Secretary Jocelyn Andaya, addaan da ti umdas a teaching ken non-teaching personnel iti public elementary ken secondary schools para iti nasao a bilang dagiti agad-adal.
Adda dagiti sumagmamano a pagadalan nga agkurkurang ti mannursuro bayat a dagiti dadduma ket agsobsobra pay.
Maibasar iti teacher-to-student ratio ket addaan ti maysa a mannursuro iti tunggal 35 nga estudyante iti elementarya bayat nga iti sekondarya ket addaan ti maysa a mannursuro iti 45 nga agad-adal.
Bayat nga iti classroom ratio ken addaan ti maysa iti tunggal 32 nga agad-adal iti elementarya; maysa a classroom iti kada 39 a junior highschool ken maysa ti tunggal 36 para iti senior high school.###
