Nasurok 300 a tattao ti natay bayat a 137 met iti nailista a nadundunor idiay Khyber Pakhtunkhwa province iti makin-Amianan-a-laud a paset ti Pakistan kasaruno dagiti dua nga awan sarday a nadadagsen a panagtudo ken panaglayus.
Segun iti National Disaster Management Authority, kaadwan kadagiti pimmusay ket naikali a sibibiag kalpasan a magaburan dagiti babbalay da iti nagreggaay a daga. Dagiti dadduma met ket natamaan pay iti kimat.
Maysa kadagiti residente iti nagkuna iti interview nga arig na aggibusen iti lubong gapo iti kapadasan da.
Nakaro a naapektaran iti Buner district a nakatayan dagiti 184 nga tattao ken nakadadaelan pay ti agingga amin nga imprastruktura, agrikultura, ken kabakiran.
Iti agdama ket agtultuloy latta ti panagbirok kadagiti mapukpukaw bayat nga adu pay laeng iti stranded gapo iti panaglayus, kaadwan ket babbai ken ubbing.
Iti nasaknap a panaglayus ket gapo iti nasapa a panagrugrugi ti monsoon season idiay Pakistan a segun kadagiti otoridad ket agpaot ti buwelo iti maysa a lawas.
