LA UNION – Adda itan ti pakabuklan a 303 iti nailista a kaso ti sakit a dengue iti intero a probinsiya ken dua manipud iti nasao a bilang iti natay, segun kenni Dr. Rodolfo Tongson, officer-in-charge ti Provincial Health Office (PHO).
Ti nasao a bilang ket base iti datus ti PHO manipud Enero agingga ti agdama.
Ngem daytoy ket mas nababbaba ti 53.1 percent nu ikumpara iti kaso ti dengue iti kapada a period idi napan a tawen.
Kinuna iti Bombo Radyo La Union ni Dr. Tongson a dagiti ubbing nga agtawen ti 10 agingga 14 iti kaadwan a makapkaptan ti sakit ken ad-adu dagiti lallaki a pasyente.
Kaadwan a nailista a kaso ditoy San Fernando City nga umabot iti 51.
Gaputi dayta, nakamonitor a kanayun ti PHO kadagiti programa ken information drive maipapan iti panangparmek ti sakit a dengue tapno masiguro nga agtultuloy met a bumaba ti kaso iti nasao a sakit.
