Impaganetget ni House Prosecution Panel Spokesperson ken Impeachment Trial Adviser Robert Ace Barbers a saan a lisensya ti 32.2M a botos a nagun-od ni Bise Presidente Sara Duterte idi 2022 elections tapno usaren iti saan nga usto iti pondo ti Pilipinas wenno liklikan iti pagsungbatan na iti linteg.
Segun kenni Barbers, saan metlaeng daitoy a lisensya para ti saan a mailawlawag a baknang, panagsuhol kadagiti kameng ti Department of Education, ken panagpangta iti biag da Presidente Ferdinand “Bongbong” Marcos Jr., First Lady Liza Marcos, ken sigud nga House Speaker Martin Romualdez.
Sungbat daitoy iti prosecutor iti argumento ti lead defense counsel a ni Atty. Sheila Sison iti umuna nga aldaw iti impeachment trial a saan a rumbeng a mapaikkat iti puesto ti bise presidente gapo iti 32.2M a botos a nagun-od na.
