Nasurok lima million nga indibidual iti naapektaran ti nagtipon nga epekto ti Tropical Cyclones Luis ken Maymay ken Southwest Monsoon wenno Habagat, segun ti Office of Civil Defense (OCD).
Maibasar iti record ti OCD agingga alas-sais ti bigat, 5,084,667 nga indibidual wenno 1,450,747 a pamilya iti naapektaran iti Ilocos Region, Cagayan Valley, Central Luzon, Bicol, Western Visayas, Zamboanga Peninsula, Cordillera Administrative Region (CAR), Metro Manila, ken MIMAROPA.
Adda iti 24,893 nga indibidwal wenno 7,182 pamilya iti agtaltalinaed kadagiti 523 evacuation centers.
Kabayatanna, 23 a tattao iti pimmusay, 17 iti nadangran ken maysa iti mapukpukaw gapu iti dakes a panawen.
Dumanon met iti 1,681 partially damaged ken 182 totally damaged.
Mapatta-patta a ₱3.45 billion iti perdision iti imprastraktura bayat a ₱689.66 million iti agrikultura.
Dumanon met iti ₱734.11 million iti tulong nga inpaay ti gobierno kadagiti apektado a komunidad.###
