BR LA UNION – Kinumpirma ti Embahada ti Pilipinas idiay Israel nga agtultuloy a manay-nayunan ti bilang dagiti mangmangged a Pilipino iti nasao a pagilian, a kayatna ti makasubli ditoy Pilipinas.
Segun kenni Philippine Ambassador to Israel Aileen Mendiola, umabot iti 50 nga Overseas Filipino Workers iti nangipeksa a boluntaryo dagitoy nga agpa repatriate.
Immuna ti daytoy, ballaygi a naitulod idiay Jordan dagiti 26 nga OFWs manipud Israel.
Iti maysa nga interview, imbaga ni Mendiola a ti nasao a desisyon ti sumagmamano a mangmangged a Pilipino nga agsubli ditoy Pilipinas ket gapwanan ti baro a round ti missile alerts idiay Israel.
Aminado iti opisyal a laksid ti peligro ket adu latta dagiti OFWs idiay Israel ti agkedked a pumanaw ken agsubli ditoy Pilipinas gapu iti sumagmamano nga economic concerns.
Kabilang ditoy iti panagamak da nga awan ti napintas a pagtungpalan da nu agsubli da ditoy Pilipinas.
Agtultuloy ti koordinasyon ti embahada kadagiti Filipino community leaders tapno mailista dagiti OFW nga agawid ditoy pagilian, iti sidong ti repatriation program ti gobyerno.
