Dumanon iti nasurok 500 dagiti hog raisers a nailista nga apektado iti pagsapulanda a gubuay iti panagraira ti African Swine Fever (ASF) ditoy probinsiya iti La Union.
Iti pannakiuman iti Bombo Radyo kenni Dr. Alfiero Banaag, ASF Focal Person iti Department of Agriculture (DA)-Regional Office 1, kinunsns s bimmassit iti suplay ti baboy ditoy La Union ken kadagiti kabangibang a probinsya ti Ilocos Region kalpasan iti naisayangkat a culling operation tapno maliklikan nga agwaras ti ASF.
Impanamnama ni Dr. Banaag a makaawat iti tulong manipud iti DA dagiti apektado a hograiser.
Kabayatanna, 14 nga ili iti Ilocos Region ti nakailista iti kaso ti ASF.
Naminsan manen nga inallokoy ti opisyal dagiti hog raisers nga ipakaammon kadagiti lokal nga agriculture office iti bukodda a lugar no adda ti abnormalidad a tignay dagiti tarakenda a baboy tapno maammuan no addaa dagitoy iti sintomas ti nasao a sakit.
