Sumango iti panagbayad ti multa ken maibalud pay dagiti aglabsing iti lockdown nga ipatpatungpal ti gobierno ti Jeddah, Kingdon of Saudi Arabia.
Segun kenn Allen Colcol, nga tubo ti Caba, La Union ken uppat a tawenen nga agtatrabaho iti nasao a pagilian, adda multa a 10,000 Rial wenno kaibatugan ti P130,000 ti bayadan ti aglabsing no sadino aglippas ti lockdown da inton Abril 7 agingga ti agdama.
Kinuna na pay a nairot ti panangsurot iti panagsuot ti facemask, gloves, ken ti social distancing.
Kabayatan na, dumanon met iti 6,380 Covid 19 case sadiay no sadino nasurok a 500 ti mainaynayon iti kada aldaw.
Segun pay kenkuana, dagus met a sungsungbatan iti embahada ti Pilipinas dagiti arungaing dagiti OFW idiay Jeddah.
Awan met ti problemada iti panangipatulod ti kuarta iti Pilipinas agsipudta online iti ar-aramiden da.
Nupay kasta, kas met laeng iti dadduma a pagilian adu kadagiti OFW’s sadiay ti awanan ti trabaho.
