LA UNION – Pakabuklan nga 839, 680 doses ti Covid vaccines iti naawat ti DOH Region-1 sipud nangrugi nga agawat iti bakuna manipud iti gobyerno.
Kadackelan a bilang ket Sinovac vaccines nga umabot ti 345,080 doses; AstraZeneca – 216,600; doses; J&J – 206, 600 doses; Pfizer – 35, 100 doses; Gamaleya Sputnik V – 2,300; ken Moderna – 9,000 doses.
Manipud iti pakabuklan a bilang dagiti bakuna, iti probinsiya ti La Union ket nakaawat iti 166,509 doses; Ilocos Sur – 163, 348 doses; Ilocos Norte – 139, 607 doses; ken iti Dagupan City ket 14, 276 doses.
Iti intero nga Ilocos Region, addan iti 81.19 percent a consumption ti bakuna wenno naitudok a bakuna kadagiti 677, 053 nga indibiduwal a karaman iti priority lists, dagitoy ket bilang dagiti nakaawaten iti first dose ken complete dose.
Ditoy laeng La Union, umaboten iti 138, 907 iti bilang dagiti nabakunaan ti covid-19 vaccine.
Idi laeng kalman, pakabuklan a 4,029 doses ti Covid-19 vaccines iti naawat ti La Union, base iti report manipud DOH Region 1.
Manipud iti nasao a bilang, 1,000 doses ket Moderna; 1,440 doses a Pfizer; ken 1,589 doses ti Sinovac.
Kabayatanna, idi met laeng kalman, inawat ti DOH Region 1 iti maika-20 a batch ti bakuna para iti intero a rehiyon.
Dagiti nasao a covid vaccines ket dagus a naiturong iti regional vaccine storage facility.
