Dumanon ti 7,137 nga indibidual iti tinulongan ti Philippine Red Cross iti baet ti agtultuloy a pannakarambak ti Holy Week ita a tawen.
Iti kaudian a datos ita nga aldaw, iti oras nga alas-nuebe ti bigat, ita a Sabado de Gloria, Abril 4, impadamag ti PRC a pakabuklan a 6,514 nga indibidual ti na-check ti vital signs-da, bayat a 583 dagiti minor cases ken 26 major cases ti nasungbatan.
Adda met dagiti 14 a pasyente ti naiturong kadagiti ospital.
Iti report ti PRC idi kalman, adda dagiti pasyente ti naitaray iti ospital gapu iti nakaro nga insidente kas iti pannakatnag ken pannakapukaw ti puot.
Kadagiti major case, impadamag ti PRC nga adda dagiti indibidual a nagsagaba ti fracture ken nakaptan ti jellyfish.
Nangipaay met ti kritikal a suporta ti Welfare Desks ti PRC ket nangited pay ti kritikal a suporta kadagiti 105 nga indibidual, ken 52 kadagitoy ket naikkan ti psychological support.###
