LA UNION – Addan iti nasurok 770 a residente ti Barangay Ilocanos Sur, San Fernando City, La Union iti nakapag-pabakuna kontra Covid 19, sipud naiyuswat ti vaccination program ditoy syudad.
Daytoy ti kinumpirma iti Bombo Radyo La Union ni Barangay Captain Edwin Yumul.
Kinuna na nga adu pay iti nagparehistro tapno mabakunaan ken ur-urayenda ti schedule dagitoy.
Sipapannakkel pay a nangibaga nga awan ti aktibo a kaso ti Covid 19 iti nasao a barangay iti agdama.
Mainaig ti daytoy, agtultuloy iti panangallokoy ni Yumul kadagiti kalugaran na a suruten latta dagiti minimum health standards tapno masalakniban ti bagi kontra iti makaakar a sakit.
Mamati iti kapitan a nu adda disiplina iti maysa a tao, mas ad-adayu laeng iti pannaka-infect iti sakit ken maprotektaran ti bagi kontra Covid-19.
