LA UNION – Nasurok a 400 ti nakipaset iti simultaneous fun nga nabirngasan a KAPALIGI-run wenno Takbo Para sa Malinis na Hangin iti panangiyuna ti Department of Environment & Natural Resources (DENR) a naisayangkat iti uppat nga probinsya ti Region 1 ita nga aldaw.
Segun kenni Renelita Santos, Senior Communication Development Officer ti DENR Region 1, naangay ti fun run iti Poro Point Baywalk alas 5 itay parbangon kas paset ti panaglukat ti environment month inton bulan ti Hunyo.
Ti KAPALIGI-run met maysa kadagiti adbokasiya ti DENR no sadino tarigagay na nga allukoyen ti publiko ken dadduma nga ahensya ti gobierno tapno makikaysa ken tumulong iti panangipatungpal ti nadalus nga aglawlaw, danom, angin ken panangtalantan iti implementasyon ti solid waste management.
Segun kenni Santos, kasapolan nga mapagtalinaed iti kinadalus ti aglawlaw tapno maliklikkan dagiti sakit a posible nga mapasaran dagiti tattao.
