LA UNION – Nasurok a 4,000 ti inbinunong a face mask ken PPE’s ti maysa a designer manipud La Union para kadagiti frontliners kas proteksyon kontra iti corona virus wenno Covid 19.
Iti pannakiuman ti Bombo Radyo La Union kenni Samantha Finn, 22 anyos residente ti San Fernando City, kinuna na a dagiti nasao a face mask ken PPE’s ket inaramid laeng nga para iti pamilya agsipudta naibusen daytoy kadagiti merkado kalpasan nga maipasidong iti enhanced community quarantine ti intero a Luzon.
Numan saanda nga ammo ti agdait kadagiti kakasinsin na ket napanunotanda daytoy nga aramiden tapno ited kadagiti frontliners.
Kabilang kadagiti naikkandan kadagitoy ti libre ket dagiti medical health worker, kapulisan, dagiti aglaklako iti grocery store, guardya ken dadduma pay.
Nabunonganda metten ti face mask dagiti kabangibang nga ili pakairamanan iti ciudad ti Baguio.
Segun pay kenni Finn, numan adda dagiti maaw-awatda a tela nga aramiden a face mask ken PPE’s ket agkurkurang latta dagitoyno sadino target iti mas ad-adu pay a maikkan kadagitoy.
