BR LA UNION – Pomal a naluktan idi Biyernes, Pebrero 14, iti nasurok P118.8-M a balor ti newly constructed 50-meter a rangtay ditoy probinsiya ti La Union.
Daytoy ket iti Santol-San Gabriel-Kapangan Road idiay Barangay Mangaan, Santol.
Iti naipasdek a rangtay nga agbalor ti P118.8 milyon ket addaan ti tallo nga span a 15 metro, 20 metro, ken 15 metro ken suportado ti dua a pier ken dua nga abutment para iti nasay-sayaat ken natibtibker nga istruktura.
Namnamaen a babaen ti nasao a proyekto ket papigsaen na iti taray ti ekonomiya iti rehiyon babaen iti panangipaay ti nabibiit, naparpartak ken mas cost-effective a transport system iti ili a Santol ken San Gabriel, La Union.
Dackel pay ti maitulong daytoy iti panang-papigsa ti kalakalan ken negosyo iti baetan ti rehiyon ti Ilocos ken Cordillera Administrative Region.
Immatendar ni Sen . Imee Marcos ken Santol Mayor Magno A. Wailan iti nasao nga inagurasyon.
Naipatungpal ti proyekto babaen ti Department of Public Works and Highways-Ilocos nga idaulwan ni Director Ronnel M. Tan.
