LA UNION – Sinerrek dagiti saan a nabigbig a mannibrong iti E-classroom ti Palina Elementary School idiay Pugo, La Union.
Mapatta-patta a nasurok P70-k a balor ti alikamen iti intaray dagiti agtatakaw, a pakaibilangan iti maysa a CPU with touchscreen monitor ken 6 a LED monitor.
Segun kenni PSI Julius Basallo, agdama a hepe ti pulisiya iti nasao nga ili, posible a nakastrek dagiti mangngibrong iti nasao a silid-pagadalan babaen iti panang-distrongkar iti padlock ti maindoor.
Agtultuloy iti imbestigasyon dagiti otoridad iti nasao nga insidente tapno takwaten iti kinasiasino dagiti suspek.
