LA UNION – Manarimaan itan ti panangibunong ti Department of Social Welfare and Development (DSWD) Region 1 ken dagiti LGUs ditoy rehiyon iti ayuda para kadagiti benepisaryo ti Social Amelioration Program (SAP) a naapektaran iti COVID-19 pandemic.
Base iti listaan ti DSWD, 84 nga LGUs ti madaman nga agibum-bunong kadagiti nasao nga ayuda manipud iti 125 a local chief executives iti sapasap a rehiyon uno.
Iti pannakiuman iti bombo radyo la union kenni DSWD Region 1 Information Officer Darwin Chan, adda metten iti 147, 628 a benepisaryo wenno households ti naipaayan wenno kaibatugan iti 18.74 %
Idiay probinsiya ti Pangasinan ket addan ti nasurok 65-k dagiti naipaayan ti ayuda; La Union – nasurok 19-k; Ilocos Sur – nasurok 40-k ken nasurok 22-k idiay Ilocos Norte.
Gaputi dayta ket addan dagiti lugar a nakalpasen iti payout ken validation.
Pakairamanan ditoy iti 3 nga ili idiay Ilocos Norte, 6 idiay Ilocos Sur ken 3 idiay probinsiya ti Pangasinan.
Ditoy probinsiya ti La Union, manarimaan pay lang ti payout iti kaadwan nga ili ken awan pay iti naka-kumpleto nupay addan dagiti dandanin a malpas.
Kabayatanna, kumidkiddaw met iti pannakaawat iti ahensiya kadagiti benepisaryo nga aguray iti maited nga ayuda kadagitoy.
