LA UNION – Dumanon iti 3,850 wenno kaibatogan ti P96,250 nga harvestable size a bangus iti apektado ti fish kill iti maysa a fish pond idiay Barangay Biday, ciudad ti San Fernando, La Union.
Iti pannakiuman ti Bombo Radyo La Union kenni Florycel Obeña, City Fisheries Coordinator ti City Agriculturist Office daytoy kuna na iti rimmuar iti inganwatda nga assessment ken validation ti City Agriculture Office idi aldaw ti Biyernes iti nadakamat a lugar.
Segun iti caretaker ti pupokan a ni William Martinez, gapu iti nababa a dissolved oxygen nga maal-ala dagiti lames, nabara nga panawen ken kellaat nga panagtudo isu nga matmatay dagitoy.
Aldaw ti martes idi madlawan ni Martinez, nga adda dagiti timpaw a natay nga bangus iti pupokanda a dagusda met nga inyuman iti nasao nga ahensya.
Nupay kasta, pinalagipan ni Obeña dagiti agtagikua ti fish pond nga liklikkan iti ag-overstock ken ag-over feeding nangruna kadagiti harvestable size a lames.
