LA UNION – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a lalaki a nakemmeg iti naisayangkat a search operation idiay ili ti Agoo, La Union.
Immunan a natiliw iti operasion ti akusado a ni Melchor Sultan alyas Melchor Domado, newly-identified drug pusher ken user.
Iti nasao nga operasion, nakumpiskaran ni Sultan iti innem a sachet ti shabu, uppat nga aluminum foil ken dadduma pay a drug paraphernalia.
Dumanon met iti P200,000 ti naituding a piansa para iti kasona.
