Naklaat iti organizer ti National Bank Open idiay Canada iti napartak a pannakaibos dagiti tickets kadagiti laban ni Filipina tennis star Alex Eala.
Segun kenni Karl Hale, tournament director ti WTA 1000 event, saan a ninamnama iti panagdupodop dagiti Filipino fans a simmuporta iti laban ni Eala kontra ti American player a ni Alycia Parks idi Huebes, Agosto 6.
Iti nasao a laban, nagballigi ni Eala iti scores a 6-1, 4-6, 6-2 tapno makastrek iti third round.
Kas sungbat iti kinaado dagiti Filipino supporters, nangidiaya dagiti organizers ti “adobo chicken” iti food court ti Sobey’s Stadium nga addaan ti seating capacity nga 10,077.
Innayon ni Hale a daytoy iti umuna a gundaway a nagnayon da ti espesial a taraon iti kangitingitan ti torneo gapu laeng iti maysa a player.
Ibilang dagiti organizers a pammaneknek iti nabara a suporta kenni Eala ti pigsa ti komunidad dagiti Pilipino idiay Canada.
Iti balligi ken kinalatak ni Eala ket nangipaay ti naidumduma a maris iti torneo, nga ita ket ad-adda a mabigbigbig saan laeng nga iti tay-ak ti tennis no di ket pati pay iti panangipakita ti kultura ti Pilipino.###
