Pimmusayen ni sigud a Philippine basketball standout ken two-time Olympian Edgardo Roque iti edad nga 88, segun iti yon sa basketball community ditoy pagilian.
Nalatak a varsity player idi ni Roque ti Unibersidad ti Jose Rizal sakbay a nakikadua iti commercial basketball league a MICAA, no sadino nagay-ayam isuna para ti Ysmael Steel (1958–1963), YCO Painters (1964–1970), ken Mariwasa (1971–1973).
Iti international stage, paset isuna ti Philippine national basketball team ken nangirepresentar iti sumagmamano a dadakkel a torneo, karaman ti 1960 Rome Olympics ken ti panagbalin a paset ti pool para iti 1968 Mexico Olympics a kas maysa nga alternate.
Maysa met isuna kadagiti timmulong iti Pilipinas a mangabak ti balitok a medalya iti 1962 Asian Games, ken nakipaset kadagiti nadumaduma a FIBA Asia Championships idi 1960s, a pakairamanan ti 1963, 1965, ken 1967 editions.
Nagay-ayam pay daytoy idi 1964 Pre-Tokyo Olympic qualifiers ken nagbalin a paset idi 1967 FIBA Asia Championship-winning Philippine team.
Nabigbig ni Roque a maysa kadagiti napateg a paset ti nabalitokan a panawen ti Philippine basketball, ken dakkel ti naitulongna iti balligi ti pagilian kadagiti internasional a kompetision.###
