Tinakderan ni House Committee on Appropriations Chairperson Representative Mikaela Suansing nga awan ti pork barrel wenno nalimed nga insertions iti 2026 national budget ken iti naisingasing a budget para iti 2027.
Segun kenni Suansing, nagbalin a transparent iti proseso ti deliberasion iti 2026 budget ken naibutaktak dagiti institutional amendments. No maipapan iti 2027 National Expenditure Program (NEP), kenunana nga adda iti ehekutibo iti panagdraft daytoy ken saan a maibaga nga adda dagiti congressional insertions gapu ta naisubmitir laeng daytoy iti Kamara idi Agosto 11 ken saan pay a narepaso dagiti mammanday-linteg.
Kabayatanna, kinarit ti kameng ti House Justice Committee a ni Representative Terry Ridon ni Baguio City Mayor Benjamin Magalong nga inaganan dagiti mammanday-linteg a makunkuna a karaman iti budget insertions, kalpasan nga insilpo ti mayor dagiti sumagmamano a maipagarup a nagnumar ditoy iti House prosecution panel iti impeachment trial ni Bise Presidente Sara Duterte. Impaganetget ni Ridon nga agtalinaedda a nakapamaysa iti pagrebbenganda.
Naipila idiay Kamara idi Agosto 11 ti ₱7.2 trillion 2027 National Expenditure Program proposal ken naituding a maipasidong iti deliberasion mangrugi inton Agosto 17.###
