Nakaragsakan ni House Deputy Minority Leader ken Basilan Representative Mujiv Hataman ti panagbalin a linteg ti Republic Act No. 12224 wenno National Hijab Day tunggal Pebrero 1.
Para kenni Hataman dakkel nga addang daitoy tapno maipakita ti respeto, saan laeng kadagiti kakabsat a Muslim nu di ket para iti amin a Pilipino, aniaman ti relihiyon, kultura, wenno kawes da.
Inlawlawag na a ti Hijab, kas kadagiti tradisyonal a kawes ket addaan iti mensahe iti pammati ken nagtaudan. Kinunana a ti National Hijab Day maysa aldaw a pananglaglagip a ti Pilipinas ket pagnanaedan ti nagduduma a pammati, tradisyon, ken kultura.
Kasapulan kunana iti panagbigbig ken panagraem iti tunggal maysa tapno mapagtalinaed iti panagkaykaysa ken iti nagdudumaan.
