Kinondenar ti North Atlantic Treaty Organization (NATO) ti Russian drone strike a nangdungpar iti sumagmamano a balay idiay Romania.
Iti nadakamat nga insidente, nakaigapuan ti dakkel nga uram ken nakasugatan ti dua a tattao.
Napasamak ti insidente iti ili ti Galati nga asideg iti beddengda iti Ukraine.
Kinuna ti NATO a panaglabsing daytoy ti Russia.
Namin-adu a nasipdutan dagiti drone ti Russia iti beddeng ti Romania ket daytoy ti umuna a gundaway a nasugatan ti maysa a sibilian.
Kinuna ti defence ministry ti Romania a dagus nga inusarda dagiti F-16 fighter jet-da kalpasan a nakitada ti panagtayab dagiti drone.
