LA UNION – Namnamaen iti kalalaingan na agingga iti napigsa a buyat ti tudo a mapasaran iti dackel a paset ti Region One, ita nga aldaw ti Biyernes, Setyembre 2, kas epekto ti habagat ken bagyo Henry.
Daytoy iti imballaag ni Ms. Cynthia Iglesia, weather senior specialist, kabayatan iti pannakiuman ti Bombo Radyo La Union kenkuana.
Kagiddan daytoy iti panang-balakad na kadagiti residente nangruna kadagiti asideg iti kabaybayan, karayan, ken kabantayan nga agalerto a kanayun gaputa posible latta kunana iti panaglayos ken panagregga-ay ti daga, nu makapadas iti narway ken napaut a panagtudo, a gapwanan dagiti agraraira a weather disturbances.
Binallaagan na pay dagiti mangngalap a saan pay laeng a tumapog iti kabaybayan agsipudta peligro gaputa nadawel ken dadackel iti dalluyon.
