Papaimbestigaran ti Department of Justice (DOJ) iti insidente ti pannakalmes ti dua a players ti Ateneo Men’s Basketball idiay Dipaculao, Aurora.
Segun kenni DOJ Spokesperson Atty. Polo Martinez, nabilinen iti National Bureau of Investigation (NBI) a mangbukel ti task force a mangipamaysa iti insidente a nagresulta iti pannakatay da Rene Baterbonia ken Divine Adili.
Karaman iti aramiden ti NBI iti nauneg, nalawa, ken patas nga imbestigasion tapno kitaen dagiti amin nga anggulo nga adda pakainaiganna iti insidente.
Kas paset met ti imbestigasion, imbaga ni Martinez a siripen ti NBI no adda ti umdas a basaran tapno irekomenda iti panangipila ti reklamo iti Justice Department.###
