BR LA UNION – Inrekomenda ti National Bureau of Investigation (NBI) iti Department of Justice (DOJ) nga idataganen ti kaso ni Vice President Sara Duterte seknan iti nagbalin idi a waragawag na, a nag-hire ti tao a mangpatay kenni President Bongbong Marcos Jr, First Lady Liza Araneta Marcos ken House Speaker Martin Romualdez, nu umun-una isuna a matay.
Segun kenni NBI Director Jaime Santiago, inrekomenda da iti inciting to sedition and grave threat a kaso kontra iti bise presidente.
Naipasa da metten iti DOJ dagiti ebidensya a nakalap da ken maka-ammo ti nasao a departamento a mangtingiting nu mangisayangkat ti preliminary investigation.
Iti agdama, maur-uray iti komento wenno waragawag ti bise presidente seknan daytoy.
Maipalagip nga iti press briefing ni VP Duterte idi Pebrero 7 iti opisina na idiay Mandaluyong, pinaglibakanna a nagebbat ti assassination threat.
Kinuna na a saan a panangipangta dayta ti biag ti Presidente ken First family ken ti kampo laeng daytoy kunana ti mangibagbaga nga adda assassination threat.
