Naduktalan ti agpapada nga handwriting kadagiti acknowledgment receipts ti confidential funds Bise Presidente Sara Duterte, basar iti naiparang nga uppat a panid a forensic findings ti National Bureau of Investigation (NBI).
Iti panagdengeg ti House Committee on Justice, kenuna ni NBI Question Documents Division chief Carolyn Moldez-Pitoy ken NBI Director Melvin Matibag a manipud kadagiti nasukimat a 36 a resibo manipud iti Commission on Audit, adda dagiti grupo nga agparparang a maysa laeng a tao ti nagsurat, pakairamanan dagiti sumagmamano a pirma ken handwritten dates.
Naipakita met dagiti resibo nga addaan ti nagduduma a nagan ngem agpapada iti estilo ti panagsurat, a mangipasimudaag a mabalin a maymaysa nga indibidual ti nangaramid.
Inbatad ti NBI iti pito a grupo ti resibo a tunggal maysa ket mabalin nga insurat ti tig-mamaysa a tao, nupay nalawag nga iti pananggrupo ket maibasar iti estilo ti surat ken saan a sigurado no agduduma nga indibidual.
Iti dadduma a dokumento, dagiti laeng handwritten dates iti naikkan ti nalawag a panagsukimat ken saan a dagiti pirma, gapu ta saan a maikumpara dagitoy.
Agtultuloy iti panagsukimat kadagiti dokumento kas paset ti imbestigasion mainaig ti confidential funds ti Bise Presidente.###
