Nangipila ita nga aldaw ti National Bureau of Investigation (NBI) iti House Committee on Ethics and Privileges ti Ethics Complaint kontra kenni Cavite 4th District Representative Kiko Barzaga.
Segun kenni NBI Director Melvin Matibag, nagtaud iti reklamoda iti maipagarup a panangiwaras ni Barzaga ti palso nga impormasion kadagiti post ken live daytoy iti social media mainaig iti insidente ti pammaltog iti Senado.
Dinakamat ni Matibag iti imbaga ni Barzaga a simrek dagiti NBI personnel iti Senado tapno mangisayangkatda ti assassination – a saan met a pudno.
Impaganetget ni Matibag, saan a mabalin nga irason ni Barzaga nga iti inaramidna ket paset ti freedom of expression kas maysa a Constitutional right nangruna no dagiti mensahena ket mangsugsog ti riribuk.
Patien ni Matibag nga adda umdas a basaran tapno permanente a maikkat ni Barzaga kas miembro ti Kamara, a namindua a nasuspende, kas kameng ti Kamara, gapu iti agtultuloy a panangipakitana ti behavior wenno kababalin a saan a maitunos para iti maysa a kongresista.###
