Agperform manen ditoy Pilipinas iti K-pop group nga NCT 127 kas paset ti maikalima a concert tour a “NEO CITY: MANILA – THE REDLINE.”
Maangay iti konsierto inton Disiebre 12, 2026, alas-singko ti malem, iti SM Mall of Asia Arena idiay Pasay City, segun ti opisyal a waragawag ti grupo.
Karaman kadagiti nalatak a kanta ti NCT 127 iti “Cherry Bomb,” “Kick It,” “Sticker,” ken “2 Baddies.”
Nabukel iti NCT 127 idi 2016 ken karaman kadagiti naawatda a pammigbig ket manipud iti Mnet Asian Music Awards, Golden Disc Awards, Seoul Music Awards ken Asia Artist Awards.
Naka-perform metten iti grupo ditoy pagilian idi Enero 2024 para iti “NEO CITY: THE UNITY” concert.###
