LA UNION – Mangisayangkat ita nga aldaw ti Special Emergency Full Council Meeting ti National Dissaster Risk Reduction Management Council (NDRRMC) kagiddan ti panangbukel ti Task Force a mangtutok iti rehabilitation idiay Marawi City.
Iti pannakiuman kenni OCD Asec. Christopher James Purisima, civil defense deputy administator for administration, dar-ayan daytoy iti nadumaduma nga ahensya ti gobierno a tumulong kadakuada.
Kinuna na, mismo ni Defense Sec. Delfin Lorenzana ti mangiyuna daytoy kas chairman ti NDRRMC.
Ipaayanda met ti panawen dagiti addang tapno mapapartak ti rehabilation idiay Marawi City.
Maysa kadagiti mapagsaritaan ket ti long term reahbilitation no sadino adun ti nadadael gapu iti mapaspasamak ita a riribuk iti lugar.
Kabayatan na, agtultuloy met iti panangipaayda ti tulong kadagiti naipit a residente idiay Marawi City.
