LA UNION – Agtultuloy iti panagsangpet dagiti ginasot nga umili iti lamay ti pimmusay a ni Bishop Rodolfo Beltran idiay Diocesan Seminary of the Heart of Jesus, suidad ti San Fernando, La Union.
Sigun iti kabsat ti obispo a ni Fr. Franklin Beltran, namnamaen a sumangpet iti lamay ni sigud a Pangulo ken agdama a Pampanga Representative Gloria Macapagal-Arroyo nga asideg a gayyem ti nasao nga opisyal ti simbaan.
Iti bigat ti June 26, manipud idiay Diocesan Seminary of the Heart of Jesus ket maiyakar ti bangkay ti obispo idiay St. William Cathedral ken sadiay a maisayangkat ti necrological service.
Kinuna pay ni Fr. Beltran,agarup alas-9:00 ti bigat iti June 27 ket idaulwanna ti panangisagot iti misa para ti natayen a kabsatna sakbay a maipunpon daytoy iti uneg ti simbaan.
Makipamunpon met kinunana ni Catholic Bishops Conferrence of the Philippines (CBCP) President Archbishop Socrates Villegas.
